Sistemi i përcjelljes me GPS

Përcjellja me GPS sot është pjesë e pandashme e masave elementare për zhvillimin e një biznesi i cili në natyrën e vetë të punës përmban automjete. Madje, gjithnjë e më tepër është duke u shtrirë edhe te pajisjet dhe makineritë e palëvizshme. Secilit automjet, makinë apo pajisje të cilit i vendoset pajisja GPS e cila duke komunikuar me rrjetin e telefonisë mobile gjegjësisht shërbimin GPRS, në kohë pothuajse reale do t’ia dini vendndodhjen, si dhe shumë parametra tjerë përcjellës. Në këtë mënyrë, përveçse do të keni mundësi t’i përcillni parametrat e nevojshëm në kohë reale, ato do të ruhen në sistemin e përcjelljes me GPS për një kohë të caktuar, duke ju mundësuar gjenerimin e një numri të pa fundëm raportesh të domosdoshëm për nxjerrjen e statistikave të ndryshme të rëndësishme për biznesin tuaj.

Për të ofruar shërbim ekonomikisht të përballueshëm për çfarëdo biznesi, ne i ndajmë shërbimet në dy pako:

Përcjellja brenda Kosovës – ku shërbimi funksionon vetëm derisa automjeti është brenda valëve të telefonisë mobile të Kosovës, dhe
Përcjellja brenda dhe jashtë Kosovës – ku shërbimi funksionon pavarësisht kufijve në cilindo shtet të botës. Në pakon bazë janë të përfshira 95 shtete ku gjithsesi janë të përfshira të gjitha shtetet e Evropës. Pavarësisht se në cilin nga shtetet e përfshira gjendet automjeti, pajisja për përcjellje me GPS funksionon njejtë dhe ofron të gjitha mundësitë e monitorimit dhe kontrollit.

Monitorimi i drejtëpërdrejtë i automjeteve

Derisa në automjetin tuaj është instaluar pajisja bazike për përcjellje me GPS, përveç vendndodhjes si informatë kryesore e marrur përmes kësaj teknologjie, ju do të mund t’i shihni edhe një numër të konsiderueshëm të parametrave të automjetit tuaj, si:

shpejtësinë e lëvizjes
gjendjen e motorit (ndezur/fikur)
tensionin e akumulatorit derisa motori është fikur
tensionin e alternatorit derisa motori është ndezur
kilometrat e kaluara
etj.

Ndërsa nëse në automjetin tuaj do të instalohet pajisje më e avansuar për përcjellje me GPS (e rekomanduar për automjetet transportuese), atëherë varësisht prej llojit dhe vjetërsisë së automjetit, përveç të dhënave të marrura nga pajisja bazike, do të mund t’i shihni edhe disa parametra tjerë të automjetit, si:

-nivelin e karburantit të lexuar nga tabela e instrumenteve
-numrin e rrotullimeve të motorit
-kilometrat e kaluara gjithsej të automjetit
-temperaturen e motorit
-etj.

Fikja e automjetit me komandë

Pajisjet të cilat shfrytëzohen për përcjelljen e automjeteve përmes GPS-it përmbajnë edhe një tërësi qarqesh elektrike dixhitale dhe analoge përmes të cilave mund të monitorojmë dhe kontrollojmë automjetin.

Fikja e automjetit përmes komandës nga largë

Duke u ndërlidhur me disa qarqe aktive të automjetit, pajisja për përcjellje me GPS përmes ekzekutimit të komandave të caktuara arrin që ta fik automjetin në kohë reale. Poashtu, të njejtin funksion këto pajisje arrijn ta kryejn edhe në rast të tejkalimit të kufijve të paradefinuar të ndonjë parametri, si për shembull: tejkalim i shpejtësisë, vozitje e pakujdesshme, dalje ose hyrje në zonë të caktuar, etj.

Monitorimi i naftës

Shumë kompani prodhuese, tregtare, shpërndarëse mallërash, etj. pjesë të pandashme për zhvillimin e biznesit e kanë edhe transportin. Varësisht prej natyrës së punës dhe vëllimit ato kanë numër të automjeteve transportuese nga disa në disa dhjetra, apo edhe më shumë.

Ndër sfidat kryesore të këtyre kompanive është monitorimi i konsumit të karburantit (naftës).

Në sistemin tonë të përcjelljes me GPS kemi disa varianta për ta monitoruar konsumin e karburantit. Ato janë:

Llogaritja e konsumit përmes vlerave mesatare të paracaktuara për sezonat verë/dimër, ndaras;
Leximi i nivelit të rezervuarit duke lexuar të dhënat nga tabela e instrumenteve, dhe
Instalimi i senzorit (sondës) shtesë në rezervuar.

Llogaritja e konsumit përmes vlerave mesatare të paracaktuara për sezonat verë/dimër, ndaras – Kjo mënyrë e monitorimit të karburantit rekomandohet për automjete të vogla konsumi i të cilave nuk ndryshon shumë në varësi të ngarkesës apo terenit të rrugës së përshkuar. Në këtë grup hyjnë automjetet e vogla transportuese, si: veturat, pikapët, kombit, etj.

Leximi i nivelit të rezervuarit duke lexuar të dhënat nga tabela e instrumenteve – Në automjetet transportuese të vogla dhe mesatere ne instalojmë një pajisje shtesë e cila mund të lexojë të dhënat nga tabela e instrumenteve. Kjo mënyrë e monitorimit të karburantit rekomandohet të instalohet në automjetet të cilat lëvizin në shtigje të gjata. Në këtë grup hyjnë automjetet e vogla dhe të mesme, si: veturat, pikapët, kombit, kamionetat, kamionët e vegjël, etj.

Instalimi i senzorit (sondës) shtesë në rezervuar* – Senzori shtesë rekomandohet të instalohet tek automjetet e mëdha transportuese të cilat janë të pajisura me rezervuar me vëllim nga disa qindra deri mbi 1000 litra. Monitorimi i konsumit të karburantit të këtyre automjeteve është shumë i rendësishëm. Prandaj, në brezin tonë të shërbimeve e kemi edhe monitorimin e konsumit të karburantit përmes senzorit kapacitiv për matjen e nivelit, i cili futet në rezervuar në formë të sondës. Matja e nivelit me mënyrën kapacitive ofron saktësi shumë të lartë, e cila zakonisht, varësisht prej madhësisë së rezervuarit sillet në shkallë rreth 300 ml.

* Përkohësisht senzorët shtesë në rezervuar nuk mund t’i ofrojmë!

Historia

Historia e lëvizjes dhe e parametrave tjerë të automjetit përbën vetinë më shumë të shfrytëzueshme të sistemit të përcjelljes me GPS.

Sistemi ynë i përcjelljes ruan të dhënat për një kohë të caktuar. Këto të dhëna mund të ktheheni t’i shikoni në çdo kohë dhe për çfarëdo periudhe kohore. Për çfarëdo periudhe kohore që e kërkoni, në hartë do t’iu paraqitet trajektorja e lëvizjes së automjetit, dhe njëkohësishtë do të paraqitet edhe grafiku për cilindo parametër të automjetit të ndërlidhur me pajisjen GPS. Së bashku me trajektoren e lëvizjes në hartë do të paraqiten të gjitha të dhënat e automjetit të lexuara nga pajisja GPS, dhe ndaljet e automjetit. Çdo ndalje të automjetit në kohëzgjatje mbi 1 minutë sistemi do ta evidentojë si parkim. Çdo shenjë e parkimit e paraqitur në hartë e përmban kohën e ndaljes, kohën e nisjes dhe kohëzgjatjen e qëndrimit.

Raportet

Të gjitha të dhënat të cilat ruhen në bazën e të dhënave të sistemit mund të shfrytëzohen në shumë mënyra duke u përpunuar dhe filtruar, ashtuqë ta kemi mundësinë e nxjerrjes të raporteve të ndryshme.

Raportet mund t nxirren aty për aty, ose të konfigurohen për gjenerim automatik në baza periodike, si: ditore dhe javore. Raportet në mënyrë automatike mund të dërgohen në emailin tuaj të paradefinuar.

Servisimi dhe mirëmbajtja e automjeteve

Sistemi i përcjelljes me GPS së bashku me të dhënat e marrura nga parametrat e automjetit përmban edhe një databazë e cila mund të plotësohet me shumë të dhëna për të cilat është e nevojshme mirëmbajtja periodike, qoftë në bazë të kohës kalendarike, orëve të punës apo kilometrave të kaluara.
Të dhënat të cilat më së shpeshti futen në këtë databazë janë:

• Servisimi i automjetit (vaji i motorit, filtrat, etj)
• Kontrollimi teknik
• Regjistrimi
• Pajisja zjarrëfikëse
• Tahografi
• Etj.

Për secilin nga këto intervenime paradefinohet një periudhe kohore ose kilometra pas të cilave sistemi do t’iu informojë paraprakisht për skadimin e kohës, orëve të punës ose kilometrave.
Përmes këtyre të dhënave, gjegjësisht informimit paraprak, ju do të parandaloni skadimin e cilitdo parametër të lartëpërmendur.

Ngjarjet dhe njoftimi

Duke u referuar në kushtet normale të punës së automjetit, për secilin parametër mund ta definojmë brezin e vlerave normale. Në rast të daljes së vlerave të parametrave respektivisht, nga brezi i paradefinuar, mund ta konfigurojmë sistemin për evidentimin e tyre, me ç’rast sistemi do të na informojë përmes emailit.
Një ndër ngjarjet më të shfrytëzuara nga sistemi është ngjarja e ashtuquajtur “Akumulatori i ndërprerë”, “Akumulatori i dobët” “GPS jashtëfunksionit”, etj

“Akumulatori i ndërprerë” – kjo ngjarje do të evidentohet nga sistemi i përcjelljes me GPS nëse në çfarëdo mënyre pajisjes GPS i ndërpritet rryma, e që zakonisht ndodh nëse automjetit i hiqet akumulatori, GPS-i hiqet nga automjeti, ose në çfarëdo mënyre GPS-it i ndërpritet rryma. Nëse kjo ndodh, sistemi do të ju dërgojë email menjëherë, si dhe do ta evidentojë ngjarjen në historinë e automjetit.

“Akumulatori i dobët” – kjo ngjarje do të evidentohet nëse e paradefinojmë brezin normal të tensionit të automjetit. Psh zakonisht automjetet e kanë tensionin 12.5/24.5 V derisa motori është fikur, ose 13.8/27.5 derisa motori është ndezur. Gjatë qëndrimit ndalur për kohë të gjatë ka automjete të cilave iu bie tension ii akumulatorit. Nëse e definojmë kufirin e poshtëm të brezit të tensionit si 10/20 V, atëherë nëse tension ii akumulatorit bie nën në këtë nivel, sistemi do të ju dërgojë email menjëherë, si dhe do ta evidentojë ngjarjen në historinë e automjetit.

“GPS-i jashtë funksionit” – kjo ngjarje do të evidentohet nga sistemi i përcjelljes me GPS nëse për çfarëdo arsye pajisja për përcjellje me GPS del jashtë funksionit.

Evidenca e punës

Përveç tjerash, sistemi ynë i përcjelljes me GPS e ka mundësië e evidences së punëve të kryera të secilit automjet. Madje, nëse shfrytëzojmë aplikacion të caktuar në telefonin e mençur, detyrat mund t’i dërgohen drjtpërdrejtë vozitësit.

Secila detyrë përmban në vete të gjitha detajet përcjellëse ashtuqë të sigurojë evidence të plotë të punës të secilit automjet.

Sistemi i përcjelljes me GPS

Përcjellje me GPS